ADDRESS

Trinity Building, St Antony's Associates, Mangalore

CALL US

(+91) 8330808822

‘പ്രപഞ്ചത്തില്‍ അമ്മയെക്കാള്‍ വലിയ പോരാളി മറ്റാരുമില്ല’, കടുവയുടെ ആക്രമണത്തില്‍ നിന്ന് കുഞ്ഞിനെ രക്ഷിച്ച് അമ്മ

സ്വന്തം മക്കളുടെ ജീവന്‍ എന്തെങ്കിലും ആപത്ത് സംഭവിച്ചാല്‍ ഒരു അമ്മയ്ക്കും സഹിക്കാന്‍ പറ്റില്ല. അവര്‍ക്ക് മക്കളോടുള്ള സ്‌നേഹം പറഞ്ഞ് അറിയിക്കാന്‍ കഴിയുന്നതിനും അപ്പുറമാണ്. മക്കളുടെ ജീവന് എന്തെങ്കിലും അപകടം സംഭവിച്ചാല്‍ സ്വന്തം ജീവന്‍ കൊടുത്തും മക്കളെ രക്ഷിക്കാനാണ് അമ്മമാര്‍ ശ്രമിക്കുന്നത്.ലോകത്തില്‍ അമ്മയെക്കാള്‍ വലിയ പോരാളിയില്ലെന്ന് മധ്യപ്രദേശില്‍ നടന്ന ഈ സംഭവം കേട്ടാല്‍ ചിലപ്പോള്‍ നിങ്ങള്‍ക്ക് തോന്നി പോകും. 15 മാസം പ്രായമുള്ള മകനെ കടുവയുടെ കൈയില്‍ നിന്ന് അത്ഭുതകരമായി രക്ഷിച്ച അമ്മയുടെ കഥയാണിത്. ഞായറാഴ്ച രാവിലെ ബാന്ധവ്ഗഡ് കടുവ സങ്കേതത്തിലെ ഉമരിയ ജില്ലയിലെ മാള ബീറ്റിലെ റൊഹാനിയ ഗ്രാമത്തില്‍ വച്ചാണ് അമ്മയ്ക്കും മകനും നേരെ ആക്രമണമുണ്ടായത്. 25 വയസുള്ള അര്‍ച്ചന ചൗധരി എന്ന യുവതിയാണ് തന്റെ 15 മാസം പ്രായമുള്ള കുഞ്ഞിനെ അസാമാന്യ ധൈര്യത്തിലൂടെ കടുവയുടെ ആക്രമണത്തില്‍ നിന്ന് രക്ഷിതച്ചത്.ശുചിമുറി ഉപയോഗിക്കാനായാണ് രാവിലെ കുഞ്ഞുമായി അര്‍ച്ചന വയലിലേക്ക് പോയത്. ഇതിനിടെ ആണ് ഇവരുടെ മകനെ കടുവ ആക്രമിച്ചത്. എന്നാല്‍ ധൈര്യം വിടാതെ അര്‍ച്ചന തന്റെ കുഞ്ഞിനെ രക്ഷിക്കുകയായിരുന്നു. പരിക്കേറ്റ അമ്മയെയും കുഞ്ഞിനെയും ആശുപത്രിയില്‍ പ്രവേശിപ്പിച്ചു.Also Read:ബാങ്ക് ഇടപാടുകള്‍ നടത്തുന്ന മഹാബലി; വൈറലായി വീഡിയോകുഞ്ഞിന്റെ താടിയെല്ലിലാണ് കടുവ കടിച്ചെടുത്തെന്ന് അര്‍ച്ചന പിന്നീട് പറഞ്ഞു. ബഹളം കേട്ട് ഓടി കൂടിയ നാട്ടുകാരാണ് കടുവയെ ഓടിച്ച് അമ്മയെയും കുഞ്ഞിനെയും രക്ഷിച്ചത്. ആക്രമണത്തിന് ശേഷം അമ്മയെയും കുഞ്ഞിനെയും മണ്‍പുരിലുള്ള പ്രാഥമിക ആരോഗ്യ കേന്ദ്രത്തിലും പിന്നീട് ഉമരിയ ജില്ല ആശുപത്രിയിലേക്കും വിദഗ്ധ ചികിത്സയ്ക്കായി മാറ്റിയതായി ഫോറസ്റ്റ് ഗാര്‍ഡ് റാം സിംഗ് മാര്‍ക്കോ അറിയിച്ചു. കുട്ടിയെയും അമ്മയെയും ആക്രമിച്ച കടുവയെ കണ്ടെത്താന്‍ വനംവകുപ്പ് സംഘം ശ്രമിക്കുന്നുണ്ടെന്നും അദ്ദേഹം പറഞ്ഞു.

Prev Post
പേജ് ലഭ്യമല്ല